Ceramizer er núningavirkt bætiefni sem ætlað er að bæta ástand snertiflata þar sem málmur vinnur á móti málmi; í vél, gírkassa eða vökvastýri.
Notkun
Efninu er bætt út í heita olíu (vél, gírkassa eða vökvastýri), eða í eldsneytið þegar um eldsneytisbæti er að ræða. Ferlið fer fram við venjulegan gang vélarinnar og krefst engra frekari aðgerða. Einn skammtur er 4 g.
Hvernig efnið á að virka
Samkvæmt framleiðanda byggir virkni Ceramizer á valvísum flutningi (e. selective transfer); núningafræðilegu fyrirbæri þar sem efni flyst milli snertiflata og myndar þunnt, aðlögunarhæft núningalag í stað þess að tapast sem slit.
Agnirnar í efninu hafa mikla viðloðun við málm. Framleiðandi lýsir ferlinu svo: agnirnar safnast fyrir þar sem núningur og staðbundinn hiti er mestur, bindast málmögnum sem þegar eru í olíunni vegna eðlilegs slits, og mynda þar þunnt keramik-málmlag. Lagið fyllir upp í örskemmdir og ójöfnur á snertifletinum. Þegar lagið hefur náð fullri þykkt stöðvast ferlið af sjálfu sér.
Markmiðið er að bæta ástand slitflatanna; ekki að endurheimta upprunalega rúmfræði vélarhluta. Núningalag af þessu tagi er örfáir míkrómetrar að þykkt.
Uppgefnir eiginleikar
Eftirfarandi tölur eru mælingar framleiðanda:
- Núningsstuðull: 0,02
- Harka lagsins: 4000–4500 MPa
- Þrýstiþol: 2500 MPa
Samkvæmt framleiðanda helst lagið eftir olíuskipti.
Hvað Ceramizer gerir ekki
- Inniheldur hvorki teflon, blý né mólýbden.
- Er ekki olíuþykkir.
- Stíflar hvorki olíusíur né olíurásir: agnirnar eru allt að 2 míkrómetrar en op í olíusíu vélarinnar eru yfir 5 míkrómetrar. Auk þess myndast lagið eingöngu þar sem málmur vinnur á móti málmi, ekki í rásum eða síum.
- Kemur ekki í veg fyrir olíueyðslu gegnum ventlaþéttingar, enda er þar ekki um málm á móti málmi að ræða.
Um fræðilegan grunn
Valvís flutningur er staðfest fyrirbæri innan núningafræði og á sér áratugalanga rannsóknasögu.
Nánari umfjöllun um núningafræðina sjálfa, byggð á ritrýndum heimildum: Samantekt um Núningsfræði